Selasa, 05 April 2011

BARITA LUNGUN NI ROHA

Ai di banua ginjang d sambulonta; sian i do tapaimaima Sipangolu hita, Tuhan Jesus Kristus i.
Paubaonna do dagingta na lea on , gabe doshon dagingna na sangap i, hombar tu hagogoonna i,ai tarpatunduksa do saluhutna tu Ibana. Pilipi 3: 20 - 21.

Moru do bilangan ni Guru Huria sahalak, ala naung jumolo marujung ngolu. Ima:

Gr. Bajongga Panjaitan.
Nasida mangula sahat tu parmondingna di HKBP Sei Tawar Ressort Rantau Prapat.
Lungun do rohanta diparmonding nasida, na manadingkon inanta soripadana; boru Siahaan dohot angka ianakkonna.

Alai taboto do, hita pe marujung do muse. Alai Kristus Jesus naung mate jala hehe, monang manaluhon hamatean i; gabe paheheonna ma hita muse songon Ibana na hehe i. diparade do hangoluan na saleleng ni lelengna di angka na niasianna jala na hot merhaporseaon. Dungi pajumpang ma hita muse rap dohot angka donganta naung jumolo i,pajumpang dibagasan ruhut partondion ndada dibagasan ruhut haportbion. Ala ni i, gabe dohononta ma: Sai masipaidaan do angka na porsea i dung sahat be langkana tu hasonangan i....

Masuk do Anggota TLG HKBP ??
Dung huparseo hami Pendaftaran TLG, jala hupatangkas hami tu Kolektor TLG HKBP na di Distrik XXVI Labuhan Batu, ndang tardaftar nasida di TLG HKBP. Mansai lungun ma roha ala ndang tarbahen hita papunguhon songon na masa tu angka dongan.

Laos marhite on ma nisosohon tu sude dongan Guru Huria, haru tagogo ma pasauthon TLG HKBP i. Tagarar be ma angka tunggakan. Jala na dumenggan, sude ma hita MENABUNG DI DANA SAVING TLG HKBP. Molo sude Guru Huria menabung Rp. 1.000.000.- / orang, Adong ma Deposito TLG HKBP 300 juta. Boi ma manigor pasahaton Dana Santunan TLG tu angka na manjalo.

Taboan ma keluarga na tinadingkonnasida dibasgan tangiangta, asa margogo jala tarapul rohanasida.