Ise do anggota ni TLG HKBP ?

Di Rapot Guru Huria na parpudi, tangkas do gabe sada haputusan ia Peserta ni Tumpak Liat Guru Huria, ima Sude Guru Huria naung manjalo Tohonan Guru Huria. Ia adong sada halak Guru na naeng marsingkola tu na asing jala na naeng manadingkon Haguruonna na arga i, ingkon jolo pasidungonna do angka sidabudabuanna tu TLG ni Guru Huria ipe asa boi ibana mangihuthon parsingkolaan i. Gariada tahe ingkon jolo terdaftar do ibana masuk anggota ni TLG asa boi mandohoti Pendaftaran marsingkola Pandita.

Boha do ia donganta na laho marsingkola dung Rapot Guru na parpudi? Sintong do nasida masuk tu TLG? Jala ia dung masuk nasida marsingkola naeng manadingkon Haguruon na arga i, boha do kepesertaanna di TLG?

Adong do 3 s/r 5 taon parsingkolaan na binolusna i, tontu dibagasan 5 taon boi do godang angka na masa; Pensiun dohot na marujung ngolu. Sian taon 1999 s/r 2010, adong do guru na marsingkola Pandita na mabalu, jala adong do na marujung ngolu andorang so sahat dope tohonan hapanditaon i tu ibana. Keluarga na tinadingkonna i ndang manjalo manang aha ala so didohoti Tumpak Liat Guru. Sadia lungun ma panghilalaan ni keluarga tinadingkonna i laos so adong na marningot keluarga i sian donganna satohonan, jala mansai lungun situtu muse ma panghilalaanna ai tu Dana Pensiun pe ndang masuk. Dihirim adong ma jaloonna sian na dua i, hape nanggo sada pe ndang jumpang.

Nasa na targoar anggota TLG, ingkon gohanna do nasa sidabudabuan tu TLG. Marsingkola manang mangula di huria. Jala ingkon adong do hatontuan / peraturan na tangkas taringot tu panggararan manang tunggakan TLG.
_______________
Tabe sian hami,
Pel.Ketua TLG HKBP, Gr.Abdul Rachman Sitorus
____________________________________________