Jumat, 27 Agustus 2010

Roha na mardua

Halak na marsihohot di dirina, i do na boi patontu langkana manuju sada tujuan sidalananna. Ia halak na marroha haru so haru, ima halak na mangula siulaon alai ndang sian roha na hibul. Marbagi do rohana dohot pingkiranna. Di ula ulaonna alai rohana mardua. Ujungna gabe laos ditadingkon. Ndang jumpang dope na niluluanna na paduahon, alai tumpalna na parjolo nunga ditadingkon. Ima jea bolon di jolma manisia.
Torop do dongan na haru so haru masuk tu TLG ala dirajumi ibana ndang manongtong ibana gabe guru, so dijalo dope Tohonan na asing i, alai nunga jumolo ndang dihalomohon ibana be hadirionna sinuaeng.
Angka i ma na mambahen hamaolon di parjongjong ni TLG on. Alai laos adong do angka dongan na so olo parduli tu ulaon na marsiurupan, ndang adong holong ni roha dohot na masihilalaan. Hatanta dohot jamitanta do mandok ingkon marsiurupan jala masihaholongan. Alai halak na asing do na taruli di hata i. Magopo do hata i ia di hita. Molo sangga martunggu TLG Kolektor na di Distrik, sai adong be do alasan ni angka dongan gabe ndang boi manigor pungu tumpak i. Adong mandok; minggu na ro on ma i. Na deba muse mandok; ai nunga hulehon na di sermon na salpu. Na deba muse mandok, ai holan tu sada halak nama na so hugarar. dna. Saluhutna i hinorhon ni holong ni roha dohot roha na marsiurupan do na so adong.
____________
Pel. Ketua TLG HKBP, Gr. Abdul Rachman Sitorus
______________________________________________

Tidak ada komentar:

Posting Komentar