TOHONAN HAGURUON
================
01. Dongan ni Pandita do hamu manguluhon jala mamatamatahon ruas ni huria na masuk tu Huria Kristen Batak Protestant. Hamu do dongan ni Pandita, laho manjamitahon Hata hangoluan na tarsurat di Padan na robi dohot Padan na Imbaru ditongatonga ni huria sipasahaton tu hamu be.
02. Ala parjamita di huria hamu, bahenonmuna ma nasa gogomuna marmahani birubiru ni Tuhanta, ima angka ruas ni huria na balga nang na metmet, na poso dohot na matua, na marsahit dohot na hisar, na jengkel dohot na burju. Apulanmuna ma angka na marsak, tungkolanmuna angka na mabalu dohot angka na tading maetek.
03. Laos songoni apoanmuna halak sipelebegu dohot halak silom dohot sandok angka na asing pe na manimbil sian Hata ni Debata dohot sian HuriaNa, asa dohot nasida marsaulihon na pinatupa ni Tuhan Jesus, ojahan ni haporseaonta i.
04. Ala guru hamu di Huria Kristen Batak Protestan, pasahaton ma muse tu hamu angka dakdanak siajaranmu / sitogutoguonmuna. Tamba ni angka parbinotoan singkola ajarhononmuna ma tu nasida nang hata ni Debata, anggiat tartogu nasida tu panandaon di Tuhan Jesus.
05. Asa saut angka na nidok ondeng, ingkon marparange na denggan ma hamu dijolo ni Debata nang dijolo ni jolma. Tau tiruan ma hamu di angka na pinasahat ni Debata tu hamu. Sandok hata naung pinasahat tu hamu, radoti hamu ma sian nasa rohamuna hombar tu Hata ni Debata na mamolin i.
______________________________________
Guru Huria Dongan ni Pandita Manguluhon Huria i...........
Disalin sian Agenda HKBP Laho pasahat Tohonan Haguruon di HKBP.
Pel. Ketua TLG HKBP, Gr.Abdul Rachman Sitorus.
______________________________________________
Toho doi bang..alai inkon tong do berengonta AP HKBP pe mangaturhon do ulaonta songon guru huria lumobi di huria sabungan...nuaeng na porlu patangkashon 'ise' do na mangaturhon ulaonta AP manang AGENDA HKBP (tohonan guru huria)...???
BalasHapusNamangatur ulaonta ima tohonan guru huria
BalasHapus